An dezerzh oc'h en em astenn

"Ubi solitudinem faciunt, pacem appellant" / "Lec'h ma reont an dezerzh e reont peoc'h diontañ" - Kalgakos, tiern ar Galedoned, diwar-benn ar Romaned.

N'on ket evit lâret deoc'h perak 'm eus soñjet er frazenn-se an deiz all. Marteze 'blam' d'an dezerzh oc'h en em astenn ba'r vro. Hogen n'eo ket ar peoc'h a deuio diwar seurt intrudu.

Pa ne vo ket deus al lez-varn e Gwengamp ken, pa ne vo ket deus an ospital e Karaez ken, pa ne vo ket deus an "allogreffes" e Brest ken, petra a chomo da Yann Vreizhad ? An TGV a-benn mont buanoc'h da Bariz ? Gant ma chomo a-sav...

A-benn heuliañ emgann Karaez, kit da welet al lec'hienn-mañ.

Au fait, hier était une journée mondiale (une de plus) contre le désert...

Le désert breton, sans plus aucun service (à commencer par les services de santé comme à Carhaix) c'est celui qu'on nous mitonne actuellement, où l'on devra passer sa vie sur la route à brûler les dernières gouttes de pétrole (mais heureusement qu'il y a eu le "Grenelle").

Evit c'hoarzhin glas

Gwell eo c'hoarzhin evit leñvañ, neketa ? Neuze, kit da lenn ar pennad-se diwar-benn perzhioù mat an nukleel...

Libre à chacun de choisir à quel degré (celsius) prendre ce genre de tentative navrante pour redorer le blason du nucléaire...

NKM-UMP-OGM-252

Petra en diaoul eo an afer-se ?  Muioc'h evit chikan bemdez an tu dehou (arru omp boazet da seurt traoù). Aze zo kaoz deus an OGM. Daoust ha miret 'vo un hentenn hep-OGM pe get ? Ya, a-drugarez d'an "amendement 252"... GANT MA ne vo ket skarzhet kuit deus al lezenn gant ar Sénat evel ma fell d'ar gouarnamant.
Evit gouzout hiroc'h ha lâret ho soñj :
http://amendement252.blogspot.com

Un abeg ouzhpenn evit chom hep evañ ;-(

Gwashoc'h evit an archerien, louzoù amprevaned ("pesticides" kwa, ret eo bezañ arru sot evit ober "louzoù" deus an traoù-se) e leizh ba'r gwin. 5 800 gwech muioc'h evit ar vevenn degemeret ba'n dour !
Penaos an diaoul e c'hall ar c'hozh poezon-se bezañ laosket e gwerzh ? emit-hu.
Ar pezh zo, n'eus bevenn ofisiel ebet evit ar gwin, hini ar rezin a vez implijet neuze, met honnezh zo kalz uheloc'h evit hini an dour… Se zo kaoz n'eus gwin ebet ac'h a en tu all d'ar vevenn. Pep hini a raio e soñj…
P'emaomp ganti, 3% eus an tachennoù gounid, 20% deus ar "pesticides"… divinet 'peus, ar gwin.
Domaj e vez gwerzhet ken ker ar gwin bio e-keñver ar c'halite na deu ket ingal gantañ.

Il n'existe pas de concentration maximale admissible pour les pesticides dans le vin.

Si l'on appliquait celle de l'eau, on atteindrait pour certains 5 800 fois le taux acceptable !
(ça paraît gros quand même, je suis preneur de chiffres vérifiés)

gwelit :
http://www.quechoisir.org/Article.jsp?id=Ressources:Articles:B9320DFCA7FB8B40C125741A004A2C14&catcss=ALI401

Bruderezh = touellerezh

Mar plij, na glikit ket war ar banieloù bruderezh a welit war ar bajenn-mañ. Kinnig a ran deoc'h kentoc'h laerezh al laeron.
Digoust eo al lec'hienn-mañ, sañset, nemet eo ret deomp asantiñ kaout bruderezh… Da lâret eo n'eo ket digoust. Neuze, ma ne glikit ket ne vo gounezet netra gante. Ale, diskouezit dezhe n'oc'h ket bet ganet e fin ar sizhun.

Quand la pub se cache derrière le "gratuit"… mais rien ne vous oblige à cliquer sur les bannières publicitaires, hein ?

Daoust hag ekolo eo ho karrad prenadennoù ?

Un ide na vo ket aes da lakaat e pleustr marteze, met piv oar ?
Gortoz ar brenerien en diavaez deus ar gourmarc'had a-benn kinnig dezhe ur seurt diagnostik diwar o frenadennoù e-keñver ar c'henwerzh reizh ha dalc'hus hag an endro. Pikoù mat pe pikoù fall a vije roet dezhe, war un ton seder evel-just.

Et si on proposait un diagnostic écolo des caddies au sortir du supermarché ?

Ar yar hag an u, an u hag ar yar

Tud aterset war ar straed ba' Pariz diwar-benn orin div vouestad uioù…
Ur plac'h a gont : "Amañ 'vez gwelet ar maez, soñj' a ra din e teu an uioù-mañ deus yer savet en diavaez".
Ha plac'h ar gevredigezh da diskouez dezhi eo skrivet war ar vouest "yer savet e kaouedoù"… (skrivet 'oa e galleg, arabat klask digarezioù toull d'an imobiled).
Boñ, splann eo, n'eo ket gouest al lodenn vrasañ deus an dud da lenn un etiketenn. Arru eo un tamm diwezhat evit addeskiñ lenn d'ar re deuet. Daoust ha ne vije ket un dra vat difenn d'ar broduerien implijout skeudennoù a douell an dud ?
Bruderezh gaou an hini eo a-benn ar fin, hag efedus-tre pa n'eo ket gouest Yann brener da lenn muioc'h evit ur piktogram.

L'œuf et la poule, ou comment pallier le manque de curiosité des consommateurs en interdisant le packaging mensonger

Poan 'm eus o lâret se, met n'int ket brein tout

Daou den deus an UMP neunt kredet lâret e oa bet lakaet ur wask spontus war o c'hamaladed gant Monsanto evit ma cheñchjent ar raktres lezenn diwar-benn an OGMoù.
Ne chom netra deus ar pezh a oa ba'r raktres orin. Peseurt mod neunt graet ? Neunt ket bet 'met lakaat daou c'her ouzhpenn : "ar gwir da broduiñ ha koñsomiñ hep OGM" zo deuet da vezañ ar gwir da broduiñ ha koñsomiñ gant pe hep OGM"… Ha setu graet an dro gamm.
N'int ket brein tout, met un toullad mat dionte zo brein memestra.

2 gars valables à l'UMP résistent à Monsanto

gwelit : Reuters, adtapet gant meur a vedia

Istor burzhudus ar yaourt foeter-bro

Soñj' a ra deoc'h emaon o vont da livañ gevier. Tamm ebet. jedet eo bet tout ar c'hilometradoù a vez graet gant al laezh, an "additifs", ar frouezh, ar c'hartoñs ac'h a d'ober ar pod, ar gollo hag all.
War-dro 9 000 km.
Pa vez komz noz-deiz deus cheñch an hin, penaos difenn seurt kenwerzh diazezet war karr-sammadoù o vont hag o tont dre ar bed o vannañ muioc'h a CO2 c'hoazh ba'n aer ?
Prenomp yaourt ar vro. N'eo ket kalz a dra, met ret eo kregiñ gant un tu bennaket, neketa ?

C'est l'histoire d'un pot de yaourt qui fait 9 000 km

gwelit : un tamm e pep lec'h war ar web – orin an dra-se a vefe ur studiadenn embannet e 1993 (!) gant Stefanie Böge